اسلام آباد 21 جون (اے پي پي) د كورنيو چارو وزیر رانا ثنا اللہ خان په مشرۍ كښې د حکومت او تحریك لبیك پاکستان شريكي كمېټۍ غونډه د شورو په ورځ وشوه۔ د كورنيو چارو وزیر مملکت عبدالرحمن کانجو او د كورنيو چارو سیکرټري سید علی مرتضیٰ دغسې د تحریك لبیك پاکستان د اړخه ډاكټر شفیق امینی، مفتی عمیر الازهری او نورو غړو ګډون وكړو۔ په غونډه كښې د كورنيو چارو وزارت ،خارجه وزارت ، انفارمېشن ټیکنالوجی وزارت ، اېف آئی اے، پی ټی اے، پیمرا او صوبائی داخله محکمي نمائندګان هم موجود وو۔ د كورنيو چارو وزير رانا ثناءاللہ خان ووئيل ناموس رسالت(ص) تحفظ د هر مسلمان دینی فریضه ده ، ناموس رسالت (ص) د څه ډول مصلحت تصور هم نه شي كيدې ،عشق رسالت د هر مسلمان په رګ رګ كښې دې۔ ده ووئيل په ختم نبوت ايمان نه لرونكې مسلمان نه شي كيدې۔ په غونډه كښې د ناموس رسالت تحفظ لپاره په شوي اقدامات د پیشرفت جاج واخستلې شو۔ په غونډه كښې د لوظنامي په پاتي نكتو د پیشرفت هم جاج واخستلې شو
