سرينګر 26 اکتوبر (اے پي پي) په مقبوضه كشمير د هندي پوځ محاصره په 83مه ورځ هم روانه وه او د لكونو په شمېر كشميريانو ستونزو سره مخ دي۔ د كشمير مېډيا سروس له مخې د بندېزونو٬ د موبائل فون او د انټرنېټ سروس معطلې له امله د ژوند نظام مفلوج دے۔ سره د قابض انتظاميې د هڅو كشميريان د هندي كارروائيو په ضد د خاموش احتجاج په توګه په هړتال دي۔ دكانونه او كاروباري مركزونه د سهار او ماښام په وخت يوازې يو څو ساعتونو لپاره پرانستل كېږي چې دغسې خلق د ضرورت څيزونه واخلي۔ په سړكونو ټرانسپورټ معطل دے۔ له بلې خوا د امريكې نيوز ويك مجلې په خپل يو راپور كښې وئيلي دي چې د ټوټير انتظاميې د كشمير په اړه لس لكه ټويټونه د وېب پاڼې نه لرې كړي دي او د هند په وړاندې ئې سر ټيټ كړے او هند سره په كشمير د رائې د اظهار د آزادې حق تر پښو لاندې كولو كښې د ټويټر انتظاميه شامله شوې ده۔
