اسلام آباد – 14 – اپريل (اي پي پي) افغانستان جي پاڙيسري ملڪن جي ازبڪستان جي شهر ثمرقند ۾ چوٿين وزارتي ڪانفرنس پنهنجي اجلاس ۾ پاڪستان جي موقف جي تائيد ڪئي آهي ته افغانستان ۾ دهشتگرد گروهن جي موجودگي علائقائي امن جي لاءِ مسلسل خطري جو سبب آهي، ان موقف جي پاڪستان ڊگهي عرصي کان وڪالت ڪندو رهيو آهي. اجلاس دوران ڌرين نشاندهي ڪئي ته سمورا دهشتگرد گروهه يعني دولت اسلامه عراق ۽ شام (آءِايس آءِ ايل)، القاعده، ايسٽرن ترڪستان اسلامڪ موومينٽ (اي ٽي آئي ايم)، تحريڪ طالبان پاڪستان (ٽي ٽي پي)، بلوچستان لبريشن آرمي (بي ايل اي)، جندالله، جيش العدل، جماعت انصارالله، ازبڪستان جي اسلامي تحريڪ (آءِ ايم يو ۽ افغانستان ۾ موجود بين دهشتگرد تنظيمن علائقائي ۽ عالمي سلامتي جي لاءِ بدستور سنگين خطرو بڻيل آهن. تازو ئي ريڊيو فري يورپ پنهنجي رپورٽ ۾ چيو هو ته آمريڪا جي افغانستان سان پنهنجي فوجن جي انخلا کانپوءِ هن پنهنجي پٺيان 7 ارب ڊالر جو فوجي ساز ۽ سامان ۽ هٿيار ڇڏيا جنهن سان بعد ۾ ڪالعدم تحريڪ طالبان پاڪستان (ٽي ٽي پي) ۽ بلوچ عليحدگي پسند گروپس جي عسڪري صلاحيتن ۾ اضافو ٿيو. رپورٽ موجب آمريڪا پنهنجي پٺيان هٿيار ۽ اوزار ڇڏيا آهن جن ۾ باهه لڳائيندڙ هٿيار، ڪميونيڪشن گيئر، جيتوڻيڪ بڪتربند گاڏيون شامل آهن. ان اجلاس ۾ چين، ايران، پاڪستان، روس، تاجڪستان، ترڪمانستان ۽ ازبڪستان جي پرڏيهي وزيرن ۽ اعليٰ عملدارن شرڪت ڪئي. پاڙيسري ملڪن جي اجلاس ۾ چيو ويو ته افغانستان ۾ دهشتگردي بابت سلامتي جي صورتحال اڃا به سنگين آهي ۽ انهن دهشتگردي جي خاتمي لاءِ تعاون وڌائڻ جي لاءِ پنهنجي عزم جو ورجاءُ ڪيو ۽ پاڙيسري ملڪن جي وچ ۾ دهشتگردي جي خلاف متحده محاذ تيار ڪرڻ جي ضرورت تي زور ڏنو. پاڪستان سدائين چيو آهي ته افغانستان جي موجوده صورتحال کي گهٽ ڪرڻ جي لاءِ ڪنهن به علائقائي يا عالمي ڪوششن جي ڪاميابي آءِ اي جي جي سنجيدگي سان مشروط رهندي ته جيئن ان ڳالهه کي يقيني بڻايو وڃي ته افغان سرزمين ڪنهن ملڪ جي خلاف استعمال نه ٿئي. طالبان جي قبضي کانپوءِ پاڪستان هڪ جامع سياسي ڍانچي جي قيام، اعتدال پسند ملڪي ۽ پرڏيهي پاليسين کي اختيار ڪرڻ ۽ نسلي گروهن، عورتن ۽ ٻارن سميت سمورن افغانين جي بنيادي حقن جي تحفظ تي زور ڏنو آهي. افغان عملدارن کي ان ڳالهه کي يقيني بڻائڻ جي لاءِ پڻ واضح قدم کڻڻا پوندا ته افغانستان ٻيهر ڪڏهن به دهشتگردي جي افزائش، محفوظ پناهگاهه يا ذريعي طور ڪم نه ڪري. دهشتگردي گڏيل دشمن آهي ۽ امن ۽ استحڪام گڏيل ذميواري آهي. پاڪستان سدائين چيو آهي ته افغانستان جي موجوده صورتحال کي گهٽ ڪرڻ جي لاءِ ڪنهن به علائقائي يا عالمي ڪوششن جي ڪاميابي آءِ اي جي جي سنجيدگي سان مشروط آهي ته جيئن ان ڳالهه کي يقيني بڻايو وڃي ته افغان سرزمين ڪنهن ملڪ جي خلاف استعمال نه ٿئي. افغانستان تي طالبان جي قبضي کانپوءِ کان پاڪستان هڪ جامع سياسي ڍانچي جي قيام، اعتدال پسند ملڪي ۽ پرڏيهي پاليسين کي اختيار ڪرڻ ۽ نسلي گروهن، عورتن ۽ ٻارن سميت سمورن افغانين جي بنيادي حقن جي تحفظ تي زور ڏنو. افغان عملدارن کي ان ڳالهه کي يقيني بڻائڻ جي لاءِ پڻ واضح قدم کڻڻا پوندا ته جيئن افغانستان ٻيهر ڪڏهن به دهشتگردي جي محفوظ پناهه يا ذريعي طور ڪم نه ڪري. سيڪيورٽي تجزيه نگارن جو چوڻ آهي ته دهشتگردي گڏيل دشمن آهي ۽ امن ۽ استحڪام گڏيل ذميواري آهي، پاڪستان مخالف عنصرن تي لغام لڳائڻ ۽ افغان سرزمين کي پاڪستان جي خلاف نه وڃڻ ڏيڻ جي لاءِ اي آءِ جي پاران ڪا به ڪارروائي ٻنهي ملڪن جي وچ ۾ ڀائراڻن لاڳاپن کي مضبوط ڪندي. پرڏيهي معاملن واري مملڪتي وزير حنا رباني کر جنهن اجلاس کي خطاب ڪيو، چيو ته اسان اهو سمجهون ٿا ته افغانستان مان دهشتگرد تنظيمن کي ختم ڪرڻ جي لاءِ بنا فرق، ٺوس ۽ هڪ جهڙي انداز ۾ وڌيڪ ڪم ڪرڻ جي ضرورت آهي، عبوري افغان حڪومت سان وسيع تر تعاون ۽ هم آهنگي اڃا به اهم آهي ۽ اهو ته اسان ان مقصد جي لاءِ پاڙيسري رياستن ۽ عالمي برادري سان گڏجي ڪم ڪرڻ جا منتظر آهيون. هن چيو ته دهشتگردي جي لعنت روزاني جي بنياد تي افغان عوام جي زندگين کي نقصان پهچائي رهي آهي ۽ دهشتگرد تنظيمن پاران پاڙيسري رياستن ۽ خطي کي لاحق خطرن ۾ وڌيڪ اضافو ٿيو آهي.
