اسلام آباد 29 جولائي (اے پي پي) خارجه وزير بلاول بھټو زرداري به په 30مه جولائي د متحده عرب امارات (يو اے اي) سركاري دوره كوي۔ د خارجه وزارت وياندې لخوا د جاري اعلاميې له مخې خارجه وزير به د يو اے اي خارجه وزير شېخ عبدالله بن زيد آل نهيان سره ملاقات كوي او د دواړو وروڼو هېوادونو ترمېنځه د دوه اړخيزه اړيكو په ټولو اړخونو به د خيالاتو څرګندونه كوي۔ خارجه وزير به د يو اے اي د صدر شېخ محمد بن زايد ورور شېخ سعيد بن زايد په مړينه د متحده عرب امارات قيادت سره غمرازي هم كوي۔ د دورې په مهال به په دبئۍ كښې خارجه وزير په مادام تساؤ كښې د پاكستان د وړومبني شخصيت پخوانۍ وزيراعظمې شهيد بېنظير بھټو د موم د مجسمے د مخ كتنې په دستوره كښې ګډون كوي۔ د بلاول بھټو زرداري دا دوره يو اے اي سره د پاكستان د مضبوط مصروفيت او د دواړو وروڼو هېوادونو ترمېنځه د ګټورې مرستې عكاسي كوي٬ دواړه هېوادونه د ورورلۍ اړيكې مستحكم كولو او په شريكه توګه ګټوره شراكتداري د لا قوي كولو عزم لري۔
