لاهور۔15جولائی (اے پی پی) وزيراعظم شهباز شريف سره د اولډ ريوين اېسوسي اېشن نوې ټاكلې شوي عهدېدارانو د خالي په ورځ ملاقات وكړو۔ په ملاقات كښې د ګورنمنټ كالج يونيورسټۍ څخه فراغت ترلاسه كوؤنكے د قانون او انصاف وفاقي وزير اعظم نذير تارړ هم موجود وو۔ د وزيراعظم آفس ميډيا ونګ لخوا د جاري شوي بيان له مخې په دې موقعه خپلو خبرو كښې وزيراعظم ووئيل ګورنمنټ کالج يونيورسټۍ بې شكه په هېواد كښې د تعليم په برخه كښې د قدر وړ خدمات وړاندې كړې دي۔ دې ادارې نوموړي فرزاندان پېدا كړي دي كوم چې د ژوند په بېلو څانګو كښې په زړه پورې تعميري خذمات ترسره كوي۔ ګډون كوؤنكو ووئيل مونږ لپاره د وياړ خبره دا ده چې زمونږ وزيراعظم هم دې تعليمي ادارې څخه فراغت ترلاسه كړے دے۔ وزيراعظم په دې كالج كښې خپل تېر كړے وخت او استاذان په درنو ټكو ياد كړل۔ وزيراعظم شهباز شريف په تعليمي پرمختګ او نورو فلاحي پروژو كښې د اولډ راوين ايسوسي ايشن د هر ډول مرستې كولو عزم څرګند كړو۔ په دې موقع د اولډ راوين ايسوسي ايشن پلاوي وزيراعظم شهباز شريف ته يو يادګاري شيلډ او عكس هم وړاندې كړو۔
