اسلام آباد 08 جون (اے پي پي﴾ د دفاع وفاقي وزير پروېز خټك وئيلي دي چې د پاكستان دفاع په قوي لاسونو كښې ده٬ وسله وال ځواكونه د خوږ وطن سلامتيا لپاره هر ډول قربانې وركولو لپاره تيار دي۔ ده دا خبرې خټك په نوښار كښې بېلا بېلا پلاوو سره د ملاقاتونو په مهال وكړې۔ ده ووئيل چې د قبائيلي سيمو خلق په خېبر پښتونخوا كښې ضم شوي دي او اوس ئې خپل حقوق ترلاسه كړي دي اوس به د دې سيمو خلق د هېواد په پرمختګ او خوشحالې كښې زيات فعاله كردار ترسره كړې شي۔ ده ووئيل چې حكومت د هېواد معيشت مستحكم كولو او د پاكستان ستونزې ختمولو لپاره سختې پرېكړې كوي۔ ده ووئيل چې د قومي اسمبلۍ غونډه به ډېره زر راوبللې شي چې پكښې به د تحريك انصاف حكومت د راتلونكي مالي كال خپل وړومبې بجټ وړاندې كوي۔
