اسلام آباد – 13 – جولاءِ (اي پي پي) وزيراعظم محمد شهباز شريف سان مسلم ليگ (ن) پنجاب جي صدر ۽ اڳوڻي پارليامينٽرين اويس لغاري اسلام آباد ۾ ملاقات ڪئي. وزيراعظم آفيس جي ميڊيا ونگ پاران جاري بيان موجب ملاقات ۾ موجوده ملڪي سياسي صورتحال تي ڳالهه ٻولهه ڪئي وئي. اويس لغاري وزيراعظم کي آءِ ايم ايف جي معاهدي تي مبارڪباد ڏني ۽ سندس قيادت ۾ معاشي ٽيم جي ملڪ کي معاشي بحران مان ڪڍڻ جي لاءِ ڪوششن کي خراج تحسين پيش ڪيو. اويس لغاري وزيراعظم کي غريب دوست بجيٽ ۽ معاشي مشڪلاتن جي باوجود بجيٽ ۾ عوامي فلاحي منصوبن جي شموليت تي پڻ خراج تحسين پيش ڪيو.
