اسلام آباد۔24ستمبر(اے پی پی) په پاكستان كښې د متحده عرب امارات سفير حماد عبېد الزهبي وئيلي دي چې په کنونشن كښې د شامل فریقینو 28 م کنفرنس به پاكستان لپاره او د موسمياتي بدلونونو د لاسه د ځپلې شويو هېوادونو مرستې په اړه د خيالاتو څرګندونه كولو يوه په زړه پورې موقعه وي۔ عرب نيوز سره يوه مركه كښې ده ووئيل چې پاكستان د موسمياتي بدلونونو دلاسه په زيات 5 ځپلې شويو هېوادونو كښې شامل دے۔ ده زياته كړه چې پاکستانې پلاوې كوم چې دبئی اېکسپو كښې په سی او پی 28م كنفرنس كښې ګډون كوؤنكې دې لپاره دا يوه غوره موقعه ده چې د موسمیاتی بدلونونو دلاسه د ځپليو شويو هېوادونو مرستې په اړه په نورو خيالونو د خيالاتو څرګندونه وكړي۔ د 28 م سي او پي په اړه خپلو خبرو كښې د يو اے اي سفير ووئيل په دې كښې د پېرس لوظنامې جاج اخستل هم شامل دي۔ ده ووئيل یو اے ای به 30 نومبر څخه تر 12 دسمبر د سی او پی 28 م كنفرنس كوربتوب كوي۔ په دې نړيوال كنفرنس كښې به نزدې 70,000 كسان ګډون كوي۔ په كومو كښې به چې حكومتي مشران٬ سركاري چارواكي ٬ د نړيوال صنعت لارښود ٬ د نجي څانګې استازي ٬ د زده كړې پوهان ٬ ځوانان او غېر رياستي پلاوي شامل وي۔ ده ووئيل د پاكستان شمېر د موسمياتي بدلونونو د لاسه په ګرده نړۍ كښې تر ټولو زيات ځپلې شويو هېوادونو كښې كېږي۔ ده ووئيل په جون 2022 كښې د راغلي سېلاب له امله 1,700 څخه زيات كسان مړه شوي او د فصلونو زياتره برخه اوبو لمينځه وړولې وه۔ د سېلاب د لاسه د شوي معاشي زيانونو تخمينه 30 بلين ډالر څخه زياته لګولې شوې ده۔
