اسلام آباد۔4جولائی(اے پی پی) وزيراعظم شهباز شريف د جولائي په 7 مه نېټه د يوم تقدس قرآن لمانځلو پرېكړه كړې ده۔ په دې ورځ به په ګرد هېواد كښې احتجاج كولې شي۔ د سويډن په پېښه قومي تګلاره وضعه كولو له د زيارت په ورځ د پارليمنټ شريكې غونډې رابللو پرېكړه هم وكړې شوه۔ د نهې په ورځ د وزيراعظم آفس ميډيا و نګ لخوا د جاري شوي بيان له مخې د وزيراعظم شبهاز شريف په مشرۍ كښې مهمه غونډه وشوه۔ په غونډه كښې په سويډن كښی د قرآن كريم د بې حرمتۍ په معامله غور وكړے شو۔ وزيراعظم د جولائي په 7 مه نېټه د يوم تقدس قرآن لمانځلو پرېكړه وكړه۔ د جمعې په ورځ په 7 جولائي به د سويډن پېښې په ضد په ګرد هېواد كښې احتجاج كېږي۔ وزیراعظم د ټولو ګوندونو په شمول ټول قام ته په احتجاج كښې د ګډون كولو اپيل كولو سره وئيلي دي چې ټول قام به په دغه ورځ يو غږ كېدو سره شېطاني ذهنونو ته پېغام وركړي۔ د جمعې په ورځ به په ګرد هېواد كښی د سويډن پېښې غندنه كولو له احتجاجي لاريونونه ويستلې شي۔ وزیراعظم د زيارت په ورځ د پارليمان د شريكې غونډې رابللو پرېكړه هم كړې ده۔ وزیراعظم هدايت كړے چې په غونډه كښې دې د سويډن په پېښه قومي تګلاره وضعه كړې شي۔ د پارليمنټ فورم څخه دې د قوم د جذباتو او احساساتو بشپړه ترجماني وكړې شي۔ وزیراعظم دا هدايت هم وكړو چې د پارليمنټ په شريكه غونډه كښې دې مشتركه قرارداد منظور كړے شي۔ وزیراعظم غونډې ته خپل خطاب كښې ووئيل د قرآن کریم عزت او حرمت زمونږ ايمان برخه ده٬ دې لپاره مونږ ټول يو موټې يؤ۔ بې لارې شوې ذهن د اسلاموفوبيا منفي رجحان خپرولو سره په ناوړه ايجنډا عمل كوي۔ ده ووئيل د ګرد هېواد امن خوښوونكي ٬ په امن سره نور سره د ژوند په كولو باور لرونكي ملتونه او لارښود دې د اسلامو فوبيا ښكار او مذهبي تشدد لرونكو قوتونو لاره ونيسي۔ مذهب، مقدس شخصيات ٬ عقيدې او نظرياتې په نښه كوؤنكي متشدد ذهن لرونكي امن لپاره خطر دي۔ په نړيواله كچه په سوله ٬ توازن او د مذهبونو ترمينځه په همغږۍ باور لرونكي قوتونه دې په ګډه د داسې رجحاناتو او پېښو مخنيوي له كار وكړي۔
