اسلام آباد۔10اپریل (اے پی پی) د پاكستان ائین ګولډن جوبلي کنونشن د آئین په نصاب كښې د شاملولو قرار داد منظور كړے دے،د اطلاعات او خپرونو وفاقي وزيرې مریم اورنګزیب دا قرارداد وړاندے كړو ۔ د قرارداد وړاندې كولو نه وړاندې وفاقي وزیرې مریم اورنګزیب د قامي اسمبلۍ سپیکر ، د کمیټۍ غړو له مبارکي وركولو سره ووئېل ستاسو په مرسته په وړومبي ځل باقاعدہ قرارد داد پارلیمان ته د قراداد وړاندې كولو درناوے تر لاسه كوم ۔ دې ووئېل د پاکستان په نصاب كښې آئین ، جمهوري اقدار، روایات او دستوري نظام شاملولو پلو ګامونه اخلو ، دا تاریخي ورځ ځكه هم ده چې د تاریخ مخه سموو ، حقیقي تاریخ د پاکستان اولس څخه پټ ساتلے شوے ،مونږ اوس دا په نصاب كښې شاملوو ۔ دې ووئېل پخواني سپیکر سردار ایاز صادق د ینګ پارلیمنټري ایسوسی ایټس سفر شروع کړے ؤ او نن د هغې تاریخي اړخ بشپرېدونكے دے ، په وړومبي ځل د ینګ پارلیمنټري ایسوسي ایټس شمېره 250 ته رسېدلې ده ، د سکول او یونیورسټۍ ماشومان په پارلمان كښې انټرشپ کوي ۔ قرار داد وړاندې كولو كښې دې ووئېل دا کنونشن په ګډه دا عزم کوي چې آئین او جمهوري شهري تعلیم به د صوبائي حکومتونو تر سېوري لاندې په ټولو سکولونو، کالجونو، یونیورسټیو او پولیس او په نورو قانون نافذ کوونكو ادارو کښې د تربیتي ادارو د نصاب او د تعلیمي هلو ځلو لازمي برخه ګرځولې شي ۔ د 1973 په آئین كښې درج بنیادي حقونه، په پاکستان كښې د آئیني او جمهوري پیش رفت د غیر جانبدارہ اظهار ، د صوبو په اسکولونو /کالجونو /یونیورسټیو كښې په لوستلے كېدونكو يا په ټولو اړوندو مضامینو په نصابي کتابونو لكه پاکستان اسټډیز’، ‘هسټري’ یا د سوشل اسټډیز’، ‘اردو’، ‘انګریزۍ’ یا نورو كښې به شاملولې شي٬ په تعلیمي کیمپسز كښې به غیر او هم نصابي هلو ځلو كښې پاکستان كښې د پارلیماني جمهوري ، بنیادي حقونو او آئیني نظام په اړه اړوند موضوعات ته استحقاق تر لاسه وي۔ د اولسي خدمت نشریاتي ادارې او نجي میډیا به د خپلو اولسي خدمت ذمه وارو تر مخه د وګړو او ریاست تر مينځه د يوې فعاله لوظنامې په توګه د آئین او د هغې موزونیت په اړه پوهه زياتولو له مناسب وخت وركوي ۔ صوبائي حکومتونه به د آئین اهمیت په اړه شعور راپېدا كولو او د دغسې د تحفظ ډاډ ګېرنې لپاره به پاکستاني اولس ته رسائې تر لاسه كوي۔ دا ایوان د اتلسم آئیني ترمیم تر مخه د آئیني شق د حقیقي روح برقرار ساتلو لوظ كوي د كوم تر مخه چې د تعلیم موضوع صوبو له وركړې شوې ۔ ځكه دا ایوان په صوبائي حکومتونو زور راوړي چې هغوي ضروري کارروائي او پكار کار وكړي۔ دغسې وفاقي حکومت په ټولو صوبائي حکومتونو او برخو به زور راوړي چې هغوي په دې قرار داد عمل درآمد راوكړي او دا خبره باوري كړي چې د آئین اهمیت او په دې كښې د شاملو څرګندو څېزونو لكه بشري حقونو (ماشومانو ،مېرمنو، اقلیتونو، مناسب عمل او د نړي والو بشري حقونو زمه وارۍ او د اختیارات تثلیث په اړه کورسونه به د صوبو په ټولو تعلیمي ادارو په نصاب كښې شامل كړے شي۔ دغسې کنونشن د دې قراداد په يوه خله منظوري وركړې ده
