لندن 18 جون (اے پي پي) د بهرنيو چارو وزير شاه محمود قريشي وئيلي دي نېب خپلواكه اداره ده٬ حكومت نېب د خپل ځان تابع كولې نه شي٬ نېب به د قانون او آئين له مخې خپله كارروائي كوي٬ په آصف علي زرداري او نواز شريف جوړ شوي كېسونه زمونږ د دور نه دي٬ د دواړو په ضد به د ريفرنسونو پرېكړه عدالت كوي٬ حكومت د معاشي مسئلو حل لپاره موثر اقدامات كړي ۔ د نهې په ورځ په لندن كښې خبري كنفرنس ته د وېنا كولو په مهال خارجه وزير شاه محمود قريشي ووئيل په لندن كښې ئې بېلا بېلو شخصياتو سره ګټور ملاقاتونه كړي ٬ د پاكستان په اړه لندن كښې د مېشته پاكستانيانو جذبه په ليدلو خوشحاله شوے يم۔ ده ووئيل نوې حكومت معاشي چېلنجونو سره مخ و٬ حكومت د معاشي ستونزو حل لپاره موثر اقدامات كړي۔ د يوې پوښتنې په ځواب كښې ده ووئيل نېب خپلواكه اداره ده٬ حكومت نېب د خپل ځان تابع كولې نه شي٬ نېب به د قانون او آئين له مخې خپله كارروائي كوي٬ په آصف علي زرداري او نواز شريف جوړ شوي كېسونه زمونږ د دور نه دي٬ ده ووئېل آصف علي زرداري او نواز شريف په خپلو خپلو وختونو كښې په يو بل مقدمې جوړې كړې ۔ ده ووئيل مونږ د عدالتونو احترام كوو او د دوي په معاملو كښې مداخلت نشو كولې
