كراچي 15 جنوري (اے پي پي) د اطلاعات او خپرونو وفاقي وزير چوهدري فواد حسېن وئېلي دي د چا پښې چې كمزورې وي هغه هسې هم رالوېږي ٬هر هغه كس څوك چې د سندھ د اولس دړد لري هغه كه د هر ګوند سره تعلق لري٬هغه بدلون غواړي٬د پيپلز ګوند سنجيده خلق هم بدلون غواړي ٬ مونږ سره پخپله په سندھ كښې د پيپلز ګوند غړو رابطه كړې او هغوي وائي چې تاسو بدلون لپاره رامخكښې شۍ٬د بدلون سفر پېل شوې٬مونږ غواړو چې پيپلز ګوند پخپله بدلون راولي٬مراد علي شاه دې استعفٰی وركړي٬نوې وزيراعلٰی دې راولي٬مونږ دوي ته وړومبې موقع وركول غواړو٬كه هغوي موقعې نه ګټه نه پورته كوي او مراد علي شاه استعفٰی نه وركوي نو په يقيني توګه مونږ له به دلته عملي اقدامات كول وي او په سندھ كښې به د پيپلز ګوند بشپړ اكثريت زمونږ ملګرتيا كوي٬د بدلون هغه چپه كومه چې نورو دريو صوبو ليدلې٬سندھ هم حق لري چې هغه د دې بدلون برخه شي٬ناصر حسېن شاه د اعلٰی وزارت مهم كانديد دے٬د هغه په اړه مونږ څه نه وايو٬پاپا او پوپي سندھ يرغمال كړی٬كله چې د او مني ګروپ چراغ ومهلې شي نو مراد علي شاه حاضر شي او وائي چې ما لپاره څه حكم دې زما آقا٬ رضا رباني د څو كلونو نه سناتور دے هغه د دې ځاې تر ټولو لويې مزدور لارښود ځان حسابوي ٬هغه په بزنس كلاس كښې سفر كوي٬ استحقاق نه لري خو په منسټرز كالونۍ كښې پاتې كېږي٬فاټا لپاره عزم لرلې شو چې فاټا لپاره په اېن اېف سي ايوارډ كښې ټولې صوبې برخه اچوي خو يوازې سندھ خپله برخه نه وركوي ۔د نهې پھ ورځ خبريالانو سره په خبرو كښې د اطلاعات او خپرونو وفاقي وزير چوهدري فواد حسېن ووئيل كه تاسو څه كوې يا نه كوۍ خو چې پښې كمزورې وي هغه كس خپله راپريوځي٬مونږ د تېرو 11 كلونو نه كتلې چې د كله نه مراد علي شاه د سندھ د خزانې وزير او اعلٰی وزير دے كه هغه تعليم وي٬صحت وي يا كومه بله معامله وي٬په ټولو څانګو كښې سندھ د ټول پاكستان نه روستو پاتې شوې۔ده ووئيل مراد علي شاه دې خپلې حلقې ته لاړ شي حالات دې وګوري٬ډاكټران نشته٬نرسانې نشته٬كه سكولونه دي نو استاذان نشته٬كه استاذان شته نو فرنيچر نشته٬ډاكټر وي نو داروګان نشته٬په لاړكانه كښې د 117 اربه روپو پیكج خرڅ كړی شوې٬ ده ووئېل پرون په سوشل مېډيا وېډيو چلېده چې پكښې د جومات امام شاعري كولو سره بلاول ته وائي چې دلته د اوبو كوم انتظام نشته۔چوهدري فواد حسېن ووئيل بلاول ته خو ستر قاضي وئېلي دي چې ته ماشوم يې او تا ته پته ده چې ماشومان خو غېر سياسي وي۔ ده ووئېل زه خو د هغه سياست سره كوم تعلق نه وينم خو پاپا او پوپي سندھ يرغمال كړی۔ده ووئيل د يو د جادو چراغ دے او د سندھ په واكمنو كښې يو داسې شته چې پوكې وركړي نو د اولس پيسه په لندن او دبئي كښې راوځي۔ فواد چوهدري ووئېل د مراد علي شاه د استعفٰی غوښتنه مونږ ځكه كوو چې په اصل كښې د دې چراغ په مهلو به د او مني ګروپ ټول كارونه كېدل٬د دې ديو مراد علي شاه دے٬ ده ووئېل كله چې د او مني ګروپ چراغ ومږلې شي نو مراد علي شاه حاضر شي او وائي چې ما لپاره څه حكم دې زما آقا۔ نو هغه ديو ته اووئي چې د سندھ بانك نه مونږ ته 54 كروړه قرض اخستل دي او هغه په هغه وخت اوشي۔د دې نه پس بيا اووئي چې زمونږ اكاؤنټونه دې پرانستلې شي هغه هم اوشي٬ ده ووئېل ٬ځكه پاكستان تحريك انصاف د مراد علي شاه د استعفٰی غوښتنه كوي۔چوهدري فواد حسېن ووئيل تر څو چې د دې خبرې تعلق دے چې مونږ په سندھ كښې د پيپلز ګوند حكومت بدلولو لپاره به كوم فاروډ بلاك جوړ كړو٬هر هغه كس كوم چې د سندھ د اولس دړد لري٬هغه كه د هر ګوند سره تعلق لري٬هغه بدلون غواړي٬د پيپلز ګوند سنجيده خلق هم بدلون غواړي مونږ سره پخپله په سندھ كښې د پيپلز ګوند غړو رابطه كړې او هغوي وائي چې تاسو بدلون لپاره رامخكښې شۍ٬ ده ووئېل د بدلون هغه چپه كومه چې نورو دريو صوبو ليدلې٬سندھ هم حق لري چې هغه د دې بدلون برخه شي او د سندھ د اولس هم حق لري ۔ده ووئيل زه وفاقي وزير يم او په اكانومي كلاس كښې مې سفر كړې٬ رضا رباني د څو كلونو نه سناتور دے هغه د دې ځاې تر ټولو لويې مزدور لارښود حان حسابووي٬هغه په بزنس كلاس كښې سفر كوي٬ استحقاق نه لري خو هغه په منسټرز كالونۍ كښې پاتې كېږي٬ ده ووئېل فاټا لپاره عزم وو چې فاټا لپاره به په اېن اېف سي ايوارډ كښې ټولې صوبې برخه وركوي خو يوازې د سندھ صوبه خپله برخه نه وركوي۔ده ووئيل دا چې خبرې كوي او پخپله د جمهوريت څيره جوړوي كله چې عملي كار راشي نو تاسو به اوګورۍ چې دوي څنګه خپل ځان د فاټا نه لاتعلقه كړي۔د اطلاعات وزير ووئيل دا پيسه هم د سندھ په غريب اولس خرڅ كېدونكې نه ده٬دا پيسه به هم او مني ګروپ او د زرداري ګروپ آف انډسټريز لويو لويو څانګو ته لاړه شي٬د خفګان خبره دا ده چې د سندھ د اولس پيسه په لندن كښې خرڅ كېږي٬ ده ووئېل د كراچۍ حالات وګورۍ څه حشر نشر روان دے٬وائي چې پيسې نشته٬يوازې يوه دوه لويو كورونو لپاره پيسې شته ۔د يوې پوښتنې پھ ځواب كښې ده ووئيل تېل نن ارزان دي٬د غريبانانو آسانيو لپاره ټول څيزونه ارزان دي٬د سبزيانو په بيعو كښې كمې راغلې يوازې د يو څو څيزونو نه علاوه۔مونږ مالداره خلقو لپاره نه بلكې غريبانو لپاره احكامات جاري كوو۔د يوې پوښتنې په ځواب كښې ده ووئيل موڼږ اول پيپلز ګوند ته موقع وركول غواړو چې هغه پخپله پريكړه وكړي٬مراد علي شاه د سندھ د اولس د ګټې په ضد كار كوي٬مونږ ګڼو چې پيپلز ګوند په سندھ كښې په دې اړه خپله سوچ وكړي او د مراد علي شاه نه استعفٰی واخلي۔د يوې پوښتنې په ځواب كښې ده ووئيل يتيم خانه هغه وي چې څوك والي وارث يې نه وي۔په دې وخت كښې د سندھ والي وارث نشته٬د دوي حكومت داسې دے لكه كله چې د چا په مړينه دښمن د هغه په كور قبضه وكړي۔په دې وخت كښې دوي په سندھ قبضه كړې مونږ د سندھ د اولس د غم دړد ملګري يو٬ ده ووئېل زمونږ ګوند د متوسط او د غريبې طبقې ګوند دے۔زمونږ ګوند د سندھ اولس سره ولاؤ دې٬مونږ د سندھ اولس ته يوازې دا پېغام وركوو چې كومه پيسه د ټول پاكستان نه ستاسو پلو روانه ده هغه په تاسو نه لګېږي٬كه تاسو يې پخپله خيال ونه كړئ نو هغه پيسه به لندن او امريكې ته روانه وي۔ د اطلاعات وزير ووئېل كله چې پاكستان جوړ شو او په سندھ كښې تر ټولو زيات تعليم وو او نن د دوي د اقتدار دومره موده وشوه٬سندھ نن چرته ولاړ دے۔د يوې پوښتنې په ځواب كښې ده ووئيل زما په خيال يره زياته ده٬مونږ دوي ته حوصله وركولو له راغلې يو٬مونږ خو ټول نظام سپورټ كوو خو بدلون ضروري دے ٬د اسپيغول څښكلو بيان په اړه ده ووئيل زما نه پوښتنه شوې وه چې ځينې خلق وائي چې حكومت پنځه كاله موده نه شي پوره كولې نو ما دوي ته مشوره وركړې وه چې تاسو د شپی په وخت د اسپيغول ست څښې او اوده كېږۍ۔د يوې پوښتنې په ځواب كښې ده ووئيل مونږ كراچۍ لپاره يوه پريكره كړې٬چې د وفاق نه پيسې راځي په سندھ نه لګي٬د متحده عرب اماراتو د واكمن محمد بن زيد په دوره كښې تر ټولو لويه پروژه كراچۍ لپاره راغلې كومه چې د څښكلو اوبو او د صنعتي اوبو مسئله ده٬په دې ډول چې كومې هم پروژې اوس راځي مونږ غواړو چې پيسه سمه خرڅ شي٬څومره پيسه چې سندھ ترلاسه كړې كه دا جائز خرڅ شوې وه نو نن به په سندھ كښې يو كس هم ګيله نه كوله۔ده د مېډيا ادارو څخه د كارمندانو د برطرفۍ د پوښتنې په ځواب كښې ووئيل دوي به وئېل چې حكومت د اشتهارات بقاياجات نه وركوي نو مونږ په سمدستي توګه 50 كروړه روپۍ ادا كړې چې دغسې كارمندان ونه ويستلې شي٬پيسې راغلې خو د دې نه پس هم د كارمندانو ويستل بند نه شول٬ ده ووئېل زمونږ مسئله دا ده چې زمونږ كلائينټ اېډورټائزنګ ايجنسۍ دي ٬ مونږ اوس د اېډورټائيزنګ نوې پالېسۍ راوړو۔په دې پالېسۍ كښې زمونږ هڅھ ده چې اشتهارات دې خبرې سره وتړو چې تاسو به په خپلو ادارو كښې تنخاګانې پوره ادا كوۍ او ليبر لاس به عملي كوۍ٬مونږ به اشتهار دركوو ګينې نه يې دركوو۔د يوې پوښتنې په ځواب كښې ده ووئيل ډان نيوز د پي ټي آئي د جعلي اكاؤنټونو په اړه خبر خپور كړې او سټېټ بانك دا رد كړې اوس بايد دا نيوز په وړومبي پاڼه هم دومره لويه بخښنه وغواړي
