اسلام آباد ۔09 دسمبر(اے پی پی) هند كښې پاكستاني هائي كمېشن چكوال كښې د كټاس راج مندر ياترا له 139 هندي ياترانو ته وېزې جاري كړې ۔ هندي ياتري به د روانې مياشتې 9مې نېټې څخه تر 15 مې نېټې د پاكستان دوره كوي۔ د دواړو هېوادونو ترمينځھ د يو بل مذهبي ځايونو له د وضعه كړې شوي پروټوكول 1974) ) ترسېوري لاندې د هند او پاكستان ياتريان او زائرين دواړو هېوادونو كښې د مزارونو او مندرونو دورې كوي۔ تېره مياشت پاكستان د بابا ګرو نانك 549 مې د زېږېدنې ورځې په موقع 3 زره 800 سكھ ياتريانو ته وېزې جاري كړې وې۔ په دغه مهال د کرتار پور کورېډور د بنياد تيګه هم اېښودلې شوې وه۔ وزيراعظم د دغې راهدارۍ بنياد د تېرې مياشتې په 28 مه نېټھ د پاك هند نړيوالې پولې پورې غاړه څخه د راتلونكو سكھ ياتريانو په موجودګۍ كښې اېښودلې وو۔ دغسې سكھر كښې د شاداني دربار ياترا له 220 هندي ياتريانو ته وېزې جارې كړې شوې وې۔ هند كښې د پاكستان هائي كمشنر سهېل محمود خپلو خبرو كښې ووئيل د هندي ياتريانو يوې بلې ډلې ته د وېزې جاري كولو سره د دواړو هېوادونو ترمينځھ په وضعه كړې شوي 1974ء پروټوکول عملدرآمد له د پاكستان د عزم څرګندونه كېږي۔ ده ووئيل پاكستان هندي ياتريانو ته ټولو اسانيو وركولو او د دواړو هېوادونو اولس ترمينځه رابطو ته وده وركولو له لوظي دے۔
