بيجنګ02 نومبر(اے پی پی) وزيراعظم عمران خان او د چين اولس مشر شي جن پنګ په ملاقات كښې دواړو لارښودو په سي پېك د پېشرفت جاج اخستلو سره د دې په كاميابو د اطمينان څرګندونه كړې او پاكستان لپاره د زياتو نه زياتو ګټو لپاره د دې زر تر زره د بشپړولو عزم ئې كړے٬ دواړو لارښودو د پاك چين دوه اړخيزه اړيكو جاج اخستې٬ د شريكې خوښې په سيمه ايزو او نړيوال چارو ئې هم د خيالاتو څرګندونه كړې او د سياسي او اقتصادي بې يقيني په حالاتو قابو موندلو لپاره په ګډه كار كولو ته سلا شوي۔ د دواړو لارښودو ملاقات د جمعې په ورځ په پيپلز ګريټ هال كښې وشو۔ په دې موقع وزيراعظم عمران خان ووئيل چې پاكستان د شريكو ګټو تحفظ٬ د شريكو تصوراتو او ګڼ اړخيزه نظام ودې لپاره د چين سره اوګه په اوګه ولاړ دے٬د غربت خاتمې او بدعنوانۍ مخ نيوي په څانګو كښې د چين د تجربو څخه په زده كړه كښې خوښي لرو۔ وزيراعظم عمران خان د جوش او جذبې په څرګندونه د چينائي اولس مشر٬ د چين حكومت او اولس مننه وكړه۔ وزيراعظم عمران خان هغه له”اصلاحات او پراختيا”په 40مه سالګره مباركي وركړه چې په نتيجه كښې يې چين ښه پرمختګ كړې۔ ده په دې خبره زور راوړو چې د چين سره ملګرتيا د پاكستان د خارجه پالېسۍ مهمه برخه ده۔ ده دغې اړيكو ته ودې وركولو له د خپل حكومت د خواهش څرګندونه وكړه۔ وزيراعظم په دې خبره زور راوړو چې د اولس مشر شي جن پنګ”بېلټ اينډ روډ”وژن او د دې فليګ شپ منصوبه سي پیك به د سيمې او سيمې څخه بهر ټولو له د شريكې څوكالۍ شكل اختيار كړي۔ وزيراعظم ووئيل پاكستان د شريكو ګټو٬شريك تصوراتو او د ګڼ اړخيزه نظام ودې تحفظ كښې د چين سره اوګه په اوګه ولاړ دے۔ وزيراعظم په مېلمستيا كولو د چينائي اولس مشر مننه وكړه۔ده ووئيل زمونږ هېواد د چين د پرمختګ څخه متاثر دے۔ چين په ښه ډول په غريبۍ او بدعنوانۍ قابو موندلې٬اولس مشر شي جن پنګ په نوي دور كښې شريك سباؤن لپاره د پاك چين تزويراتي شراكتدارۍ ته د ودې وركولو عزم رامخې ته كولو سره د بنيادي ګټو په ټولو معاملو پاكستان لپاره د چين د كلك ملاتړ پخلې وكړو۔ ده وزيراعظم عمران خان له په ټاكنو كښې او د وزيراعظم په چوكۍ سنبالولو مباركي وركړه۔ ده شريك سباؤن لپاره د پاك چين ستراتېژېكي شراكتدارۍ استحكام لپاره وزيراعظم سره په ګډه د كار كولو خواهش څرګند كړو۔ اولس مشر شي جن پنګ په ټولو معاملو پاكستان لپاره د چين د كلك ملاتړ پخلې وكړو۔ د چين اولس مشر ووئيل د پاك چين اړيكې وخت په وخت قوي كېږي٬دا اړيكې به نه يوازې د دواړو هېوادونو بلكې د سيمې لپاره ګټورې وي۔وزيراعظم ووئيل چې ده په خپل سياسي كئرير كښې د چينائي لارښود شي جن پنګ د مدبر په حېث پيوري كړی۔ده ووئيل چې د پاكستان اولس د اولس مشر شي جن پنګ په مشرۍ كښې د چين د پرمختګ نه ډېر متاثره دې۔ده په چين كښې په 30 كلونو كښې 70 كروړه اولس د غربت نه ويستلو او د غربت كمولو په اړه د اولس مشر شي جن پنګ او د نورو چينائي مشرانو ستائنه وكړه۔ده ووئيل چې د انسان په تاريخ كښې كوم بل قوم داسې كاميابۍ نه دي ترلاسه كړی۔ده ووئيل چې د ده د ګوند او د حكومت يو مهم مقصد د پاكستان اولس د غربت نه ويستل دي لكه څنګه چې په هېواد كښې نيمه آبادي يا خو د غربت په ليكه يا د دې نه لاندې ژوند تېروي۔ده ووئيل چې چين يوازنې هېواد دې چې د تجربې څخه يې مونږ استفاده كولې شو۔وزيراعظم عمران خا
