اسلام آباد – 18 – جولاءِ (اي پي پي) اطلاعات ۽ نشريات واري وفاقي وزير مريم اورنگزيب مسلم ليگ (ن) جي مرڪزي اڳواڻ اڳوڻي وفاقي وزير ڊاڪٽر طارق فضل چوڌري جي نوجوان پٽ جي روڊ حادثي ۾ لاڏاڻي تي گهري ڏک ۽ افسوس جو اظهار ڪيو آهي. پنهنجي تعزيتي بيان ۾ اطلاعات واري وفاقي وزير مريم اورنگزيب طارق فضل چوڌري سان دلي ڏک ۽ افسوس جو اظهار ڪندي چيو ته طارق فضل چوڌري ۽ گهرڀاتين جي ڏک ۾ برابر جا شريڪ آهيون. الله تعاليٰ پونئيرن کي جوان پٽ جي لاڏاڻي تي صبر جميل عطا فرمائي.
