پاڪستان جي حڪومت ۽ عوام دل ۽ جان سان ڪشميرين سان گڏ بيٺل آهي: صدر

اسلام آباد – 05 آگسٽ (اي پي پي) صدر ڊاڪٽر عارف علوي چيو آهي ته پاڪستان جي حڪومت ۽ عوام دل ۽ جان سان ڪشميرين سان گڏ بيٺل آهي ۽ ڪنهن به قسم جو ظالماڻو ڏاڍ ۽ سفاڪيت ان جي عزم کي ڪمزور نه ڪري سگهيو. اهڙن خيالن جو اظهار هن هڪ قومي ??وزاني ۾ لکيل پنهنجي هڪ آرٽيڪل ۾ ڪيو آهي. صدر ڊاڪٽر عارف علوي پنهنجي آرٽيڪل ۾ لکيو ته هن سال 5 آگسٽ تي ڪشمير جي خصوصي حيثيت ختم ڪرڻ جي ڀارتي هڪطرفي ۽ غيرقانوني قدم کي ٻه سال ٿي ويا آهن. اهي ٻه سال ان تلخ ڳالهه جي ياد ڏيارين ٿا ته هن جديد دور ۾ به اسان جا ڪشميري ڀينر ڀائر هڪ سفاڪ فوجي قبضي هيٺ زندگي گذارڻ تي مجبور آهن. هي ڏينهن اسان کي ان ڳالهه جو به احساس ڏياري ٿو ته بهادر ڪشميرين جي آز??دي جو جذبو جنهن جو بنياد انهن جي ابن ڏاڏن ڊوگرا راڄ جي خلاف پنهنجي آز??دي جي تحريڪ ۾ وڌو، اڃا به تازو آهي. ڪشميري پنهنجي خودمختياري جو حق حاصل ڪرڻ جي لاءِ گذريل 7 ڏهاڪن کان جدوجهد ڪري رهيا اهن ۽ ڪنهن به قسم جو ظالماڻو ڏاڍ ۽ سفاڪيت انهن جي عزم کي ڪمزور نه ڪري سگهيو. هن لکيو ته پاڪستان ۽ ان جي عوام دل ۽ جان سان پنهنجي ڪشميري ڀينرن ڀائرن سان گڏ بيٺل آهي. اسان سدائين کان ڪشميري عوام جي خواهشن ۽ گڏيل قومن جي سلامتي ڪائونسل جي قراردادن موجب ڄمون ۽ ڪشمير تڪرار جي پرامن حل جي لاءِ ڪوششون ڪري رهيا آهيون. پاڪستان ڪشميرين جي خودمختياري جي حق ۽ آز??دي کي حاصل ڪرڻ جي لاءِ سدائين کان پرعزم آهي ۽ رهندو. حڪومت ڪشمير مسئلي ۽ ڀارت پاران انساني حقن جي خلاف ورزين کي عالمي ??طح تي اجاگر ڪرڻ جي لاءِ ڀرپور قدم کڻي رهي آهي. ڪيترن ئي ڏهاڪن کانپوءِ پهريون ڀيرو ڪشمير تڪرار قومي ??لامتي ڪائونسل ۾ بحث هيٺ آيو. عالمي ??ربراهن ۽ عالمي ??حافين پاران والاريل ڄمون ۽ ڪشمير ۾ انساني حقن جي خلاف ورزين تي ڀارت جي خلاف آواز بلند ڪيو ويو. آرٽيڪل ۾ اهو به لکيو ته وزيراعظم، سندس ڪابينا ۽ اسان جي پارليامينٽ ڀارتي غيرقانوني طور تي والاريل ڄمون ۽ ڪشمير ۾ 5 آگسٽ 2019ع کان جاري ڀارتي وحشياڻي ڪاررواين جي سخت مذمت ڪئي آهي. زميني صورتحال ۽ قابض ڀارتي فوج جي هڪطرفي غيرقانوني قدم مان اها ڳالهه ظاهر آهي ته ڪشميرين جي سڃاڻپ ختم ڪرڻ جو منصوبو زور شور سان جاري آهي. جبري طور تي آبادياتي تناسب تبديل ڪرڻ جي لاءِ صدي پراڻي شهريت جي قانون کي تبديل ڪرڻ انهي منصوبي جي هڪ ڪڙيءَ آهي. دنيا ۾ اهڙن قدمن سان مقامي ??ب??دي ۽ قابضن جي وچ ۾ تلخين ۾ سدائين اضافو ٿيو آهي. ڪشميري مسلمان پنهنجي قابضين جي ان آبادياتي منصوبي کان چڱي ريت واقف آهن. ڀارت ان حڪمت عملي کي پهريون ڀيرو هند جي ورڇ جي مرحلي ۾ استعمال ڪيو. نومبر 1947ع ۾ مهاراجا جي سرپرستي هيٺ ڊوگرا ٽيم فوجي دستن ۽ آر ايس ايس جي بلوائين اٽڪل 3 لک ڪشميري مسلمانن جو وحشياڻو قتل ڪيو. اها خونريز نسل ڪشي ڄمون جي اٽڪل 10 لک ڪشميرين جي جبري لڏپلاڻ جو سبب بڻي. ماهرن جو چوڻ آهي ته اهو قتلام حڪومتي سرپرستي ۾ ڄمون، جتي مسلمان ڪل آب??دي جو 60 سيڪڙو ۽ واضح ??ڪث??يت هئي، جي آبادياتي تناسب کي تبديل ڪرڻ جو سوچيل سمجهيل منصوبو هو. ان نسل ڪشي ۽ جبري لڏپلاڻ سان ڄمون ۾ مسلمان ??ڪث??يت کي اقليت ۾ تبديل ڪيو ويو ۽ اهو مصنوعي آبادياتي تناسب اڄ تائين قائم آهي. اڄ هڪ ڀيرو ٻيهر اهڙي ئي هڪ خطري جا بادل ڪشميرين تي ڇائنجي رهيا آهن. آبادياتي ڍانچي ۾ تبديلي کانسواءِ ڀارتي حڪومت گذريل 131 سالن کان علائقي جي سرڪاري زبان اردو جو استعمال گهٽ ڪرڻ جي لاءِ هڪ قانون منظور ڪيو آهي. عوامي ??اين جا مسلمان نالا به تبديل ڪيا پيا وڃن جڏهن ته جبري حدبندي جي ذريعي مسلمانن جي نمائندگي کي مصنوعي طور تي گهٽ ڪرڻ جا قدم ڪشميرين جي منفرد سڃاڻپ ختم ڪرڻ جي هڪ ٻي سازش آهي. اهي قدم ڀارتي والاريل ڄمون ۽ ڪشمير جي عوام جي خواهشن جي ابتڙ آرٽيڪل 370 ۽ 35 اي جي هڪطرفي ۽ غيرقانوني منسوخي سان ئي ممڪن ٿيا آهن. جيتوڻيڪ پاڪستان والاريل ڄمون ۽ ڪشمير تي ڀارتي آئين جي ڪنهن به آرٽيڪل لاڳو ڪرڻ کي ڪڏهن به تسليم نه ڪيو، پر آرٽيڪل 370 ۽ 35 اي جي منسوخي جي نتيجي ۾ زميني صورتحال ۾ گهري تبديلي آئي آهي. اها ٻطرفن معاهدن ۽ عالمي قراردادن جي سنگين خلاف ورزي آهي. ڪشميرين جي آز??دي جي جدوجهد کي دٻائڻ جي لاءِ ڀارت ظالماڻن قدمن ذريعي ڄمون ۽ ڪشمير کي هڪ جيل ۾ تبديل ڪري ڇڏيو آهي. اڄ هر ڪشميري تي هڪ ڀارتي فوجي مڙهيل آهي. اڄ هزارين سياسي اڳواڻ، استاد، ڪارڪن، صحافي ۽ شاگرد ڪارن قانونن ۽ ڪوڙن الزامن تحت جيلن ۾ قيد آهن. انهن سان غيرانساني ۽ اڻوڻندڙ سلوڪ جي ڪري انهن جي جان کي خطرو آهي. صدر لکيو ته بي جي پي حڪومت اهو ثابت ڪيو آهي ته هندوتوا نظريي سان ڪشمير جي سياسي تشخص، تاريخي ورثي، علائقائي امن ۽ عالمي قدرن کي خطرا آهن. بي جي پي جي اثر هيٺ ڀارت طاقت جي استعمال ۽ فوجي مهم جوئي جي ذريعي خطي ۾ بالادستي ۽ زميني حقيقتون تبديل ڪرڻ چاهي ٿو. والاريل ڄمون ۽ ڪشمير ۾ انسانيت سوز ڪاررواين تان ڌيان هٽائڻ جي لاءِ ڀارت پاڪستان کي عالمي ??طح تي بدنام ڪرڻ جي لاءِ هڪ منظم مهم شروع ڪري رکي آهي. ڀارت جي پاڪستان جي خلاف پروپئگنڊه مهم ۽ دهشتگردي جي پٺڀرائي تي پاڪستاني رپورٽ مان واضح آهي ته ڀارت اسان جي ملڪ ۾ دهشتگردي جي سرپرستي ڪري رهيو آهي. تازو ئي يورپي يونين جي عالمي ??هريت يافته ڊس انفو ليب ??علي غيرسرڪاري تنظيمن ۽ جعلي ويب ??ائيٽس جي ذريعي گڏيل قومن ۽ يورپي پارليامينٽ کي گمراهه ڪرڻ جي لاءِ پاڪستان کي بدنام ڪرڻ جي چال جو پڙدو فاش ڪيو. اهڙي طرح هڪ عالمي ڀارتي عهديدار به ايف اي ٽي ايف جي ٽيڪنيڪي فورم کي سياست زده ڪرڻ ۽ پاڪستان کي گري لسٽ ۾ برقرار رکڻ جي لاءِ ڀارتي اثررسوخ استعمال ڪرڻ جو اعتراف ڪيو. ان ڏس ۾ پاڪستان ۽ خطي جي لاءِ اهم سوال پيدا ٿين ٿا. اڄ اسان پاڻ کان اهو سوال ڪرڻ تي مجبور آهيون ته ڇا موجوده ڀارتي حڪومت هڪ ذميوار اڪائي آهي يا پوءِ هڪ شدت پسند هندوتوا راڄ، جنهن تي اعتماد نه ڪرڻ گهرجي؟ ڀارتي فوجي تسلط جي خلاف ڪشمير جي مقامي ??ز??دي جي جدوجهد کي سدائين کان عوامي ??مايت حاصل رهي. پنهنجي تازين ڪاررواين جي ڪري پرتشدد هندوستان والاريل ڄمون ۽ ڪشمير ۾ پنهنجي رهيل سهيل حمايت به وڃائي چڪو آهي. ظلم ۽ رياستي ڏاڍ جي مقابلي ۾ ڪشميرين سدائين بهادري، اڻٿڪ عزم ۽ ثابت قدمي ??و مظاهرو ڪيو. ڪشميري سلامتي ڪائونسل جي قراردادن تحت تسليم ٿيل سياسي حق حاصل ڪرڻ تائين ڀارتي تسلط جي خلاف منهن ڏيندا رهندا. پاڪستان ڪشميرين جي خراب حالت تي عالمي ??مير کي جنجهوڙندو رهندو. آئون عالمي ??نيا کي اپيل سان گڏوگڏ انهن کي ان ڳالهه جي ياد ڏياريندو هلان ته اها ڪشميري عوام ۽ انسانيت جي قدرن تحت ڪشميرين کي سلامتي ڪائونسل جي قراردادن موجب خودمختياري جو حق ڏيڻ جي پابند آهي. ڪشميرين سان ڪيل خودمختياري جي حق جو واعدو اڄ به اڌورو آهي. اهو ڏينهن پري نه آهي جڏهن ڪشميري عوام کي ڀارتي تسلط کان آز??دي ملندي. انشاءَ الله.