اسلام آباد ۔16ستمبر(اے پی پی):نگران وفاقی وزیر اطلاعات و نشریات مرتضیٰ سولنگی پاکستان سودھا ڄڳ اچ براڈ کاسٹنگ دا منظر نامہ بدلدا پئے، ریڈیو پاکستان ڈیجیٹل مائیگریشن دے پندھ اچ وݙا میدان ماریے، ریڈیو پاکستان اوکھ اتے رکاوٹاں دے باوجود استقامت نال ترقی دا پندھ ٹوریے۔ اے ڳالھ انہاں ہالینڈ دے دارالحکومت ایمسٹرڈیم اچ ریڈیو ریسورس کنٹرول اینڈ مینجمنٹ بارے عالمی کانفرنس نال زوم خطاب اچ آکھی۔ انہاں آکھیا جو ریڈیو پاکستان اچ ڈیجیٹلائزیشن دا سفر جاری اے، ریڈیو پاکستان اپݨے آرکائیوز کوں ڈیجیٹلائز کیتے، ریڈیو پاکستان دی نشریات عالمی معیار دے مطابق ٻݨاوݨ کیتے ڈی آر ایم ٹیکنالوجی تے توجہ ݙتی ویندی پئی اے جیندے نال ساݙیاں نشریات دا دائرہ ٻئے ملکاں تئیں ودھ ویسی، ڈی آر ایم ٹیکنالوجی نال ریڈیو پاکستان دی آپریشنل لاگت 40 فیصد ڳھٹسی، بجلی بچسی اتے ہک ٹ??ان??میٹر کئی پروگرام ݙے سڳسی۔ انہاں پاکستان اچ ڈی آر ایم ٹیکنالوجی کیتے ہتھ ونݙاوݨ تے ڈی آر ایم کنسورشیم بالخصوص چیئرپرسن رکزیندرا اوبریجا دا شکریہ ادا کریندے آکھیے جو امید اے ایں تعاون نال ڈیجیٹل رول آؤٹ ممکن تھیسی۔
