اسلام آباد 23 مارچ (اے پی پی) اولس مشر ډاكټر عارف علوي وئېلي دي چې نن مونږ د رامخې ته كېدونكي معاشي قوت سره سره په دفاعي توګه مضبوط او سولييز اتومي طاقت يو٬مونږ د نړۍ د ټولو هېوادونو د خپلواكۍ او سلامتيا احترام كوو٬پاكستان يو حقيقت دې او هند له به دا منل وي٬مونږ په اوسني تاريخ كښې د خپل قومي تاريخ تر ټولو لويې چېلنج ترهه ګرۍ سره مخ پاتې شؤ٬ منطقه امن ته اړتيا لري٬د جنګ په ځاې زده كړو٬روغتيا او روزګار وركولو پلو بايد پام لرنه وكړې شي٬زمونږ اصل جنګ د بې وزلۍ او بې روزګارۍ په ضد دې٬مونږ د نړۍ هغه يوازنې قوم يؤ كوم چې دومره اوږد جنګ كړې او ځاني او مالي قربانۍ مو وركړې دي٬مضبوطې حوصلې سره مو د ترهه ګرۍ مقابله كړی او ترهه ګر مو كاميابېدو ته پرېښودلې نه دي٬د پاك پوځ پیشه ور صلاحيت٬اهليت او معيار ثاني نه لري۔ده د خالي په ورځ پرېډ ګراؤنډ كښې د وسله والو ځواكونو د ګډې پرېډ ته خطاب كولو۔د پرېډ اعزازي مېلما د ملائېشيا وزيراعظم مهاتير محمد وو۔ پرېډ كښې د وزيراعظم عمران خان ٬د جوائنټ چيف آف سټاف كمېتۍ چيئرمېن جنرل زبير محمود حيات٬د پاك پوځ سرلښكر جنرال قمر جاوېد باجوه٬د پاك سمندري ځواك مشر اېډمرل ظفر محمد عباسي٬ د پاك هوائي ځواك مشر ایئر چیف مارشل مجاهد انور٬د آذربائيجان د دفاع وزير ذاكر حسنوف٬ د بحرين نېشنل ګارډ كمانډر پشمول د ملګرو هېوادونو پوځي ډلې٬استازي٬سفارتكار٬وفاقي وزيران٬پارليماني غړي او ګڼ شمېر وګړي موجود وو۔اولس مشر ډاكټر عارف علوي په خپل خطاب كښې ووئيل د آزادۍ په نعمت مونږ د لوے څښتن مننه كوو۔ده ووئيل په نننۍ ورځ مسلمانانو د آزادۍ ترلاسه كولو عزم وكړو۔ده ووئيل نننۍ ورځ اولس د دې عهد پخلي سره لمانځي چې مونږ به د قائد او اقبال نظرياتي تصور نظر كښې نيولو سره د سباؤن منصوبه بندي كوو۔ده ووئيل كله چې پاكستان زمونږ پیژندګلو جوړه شوه نو مونږ بلها چېلنجونو سره مخ وو٬په مونږ جنګونه مسلط كړې شول٬ مونږ په اوسني تاريخ كښې د خپل قامي تاريخ تر ټولو لويې چېلنج ترهه ګرۍ سره مخ پاتې شو٬ مونږ د نړۍ هغه يوازنې قوم يؤ كوم چې دومره اوږد جنګ كړې او ځاني او مالي قرباني مو وركړې٬مضبوطې حوصلې سره مو د ترهه ګرۍ مقابله كړې او ترهه ګر مو كاميابېدو ته پرېښودلې نه دي۔ده ووئيل مونږ په نړۍ دا په ډاګه كول غواړو چې د امن خواهش دې زموڼږ كمزورې ونه ګڼلې شي۔پاكستان يو حقيقت دې او مونږ آزاد قام يؤ۔هند له به دا منل وي۔مونږ بايد د جنګ په ځاې تعليم٬روغتيا او روزګار ته پام لرنه وكړو۔ده ووئيل زمونږ اصل جنګ د بې وزلۍ او بې روزګارۍ په ضد دې۔ده ووئيل موڼږ ذمه وار قوم يؤ٬ د پخوا نه مو سبق زده كړې او سباؤن جوړوو۔ مونږ د كركو ختمولو سره د خوشحالۍ كر كول غواړو٬مسئلې د مذاكراتو د لارې حل كول غواړو٬په دې لړ كښې د هند رويه نامناسبه او غېر ذمه واره پاتې شوې چې له ا مله يې منطقه پرله پسې خطرو سره مخ شوې۔ده ووئيل د پلوامه بريد نه وروستو صورتحال د دې تازه مثال دې په كوم كښې چې د ثبوت نه غېر په پاكستان تور ولګېدو۔د جنګ فضاﺀ جوړه كړې شوه٬نړيوال قانون ماتولو سره د پاكستان د فضائي پولو خلاف ورزي وكړې شوه۔د دې ځواب كول زمونږ فرض وو٬زمونږ پوځ تيار وو٬د قوم دعا او ملاتړ پوځ سره وو٬مونږ موثره او فوري ځواب وركړو۔ده ووئيل په دې ټول اولس خپل پوځ ته د عقيدت پېرزوينې وړاندې كوي۔ده ووئيل پاك پوځ ته په پولو د وطن د دفاع فرض په ترسره كولو سلام وړاندې كوم۔ده ووئيل د نن پرېډ پیغام وركوي چې مونږ سولييز اولس يؤ ولې د خپلې دفاع نه غافل نه يو۔د افغانستان په اړه ده ووئيل افغان اولس اوږد جنګ څخه خلاصې غواړي٬مونږ په دې خواهش كښې دوي سره يو۔ده ووئيل په پرېډ كښې د سعودي عربستان٬چين٬تركيې٬آذربائيجان٬ بحرين او سري لنكا ځواكونو نمائندګانو ګډون زمونږ جذبې نورې هم تازه كړي۔دا د دغو هېوادونو پاكستان سره د ملګرتيا بشپړه څرګندونه ده٬په دې زه د دغې حكومتونو او اولس مننه كوم۔د مهاتير محمد په خصوصي راتلو زه د ده مننه كوم۔اولس ګرانو مېلمنو ته تود هركلے وائي۔اولس مشر ووئيل په پولو د تاؤ تريخوالي وضعې باوجود د پرېډ كول د پاك پوځ د دنګو حوصلو څرګندونه ده۔ده وئيل د ځوانانو او افسرانو په مخ د عزم اثار د نوې حربي سامان نندارتون د هېواد د سلامتيا ضمانت دې٬پاكستان محفوظ دې٬ده ووئيل اوس د پاكستان د پرمختګ او كاميابۍ په لوري د تلو وخت راغلې۔پرمختګ كړې هېواد به شهيدانو او غازيانو لپاره تر ټولو غوره ډالۍ وي۔د پرېډ دستورې په پاې كښې اولس مشر د غوره پرېډ په كولو پرېډ كمانډر٬ګډون كونكو او منتظيمينو ته مباركي وركړه
