اسلام آباد 31 اګست (اے پي پي) صدر مملکت ډاکټر عارف علوي په هېواد كښې د نفسياتي صحت بهترۍ لپاره د مشاورت سهولت وركولو په ضرورت زور رواړلو سره وئيلي دي چې جديد ټيکنالوجي، مصنوعي ذهانت او د چيټ باټس مرستې سره د نفسياتي صحت بنيادي سهولتونه اولس ته رسولې كېدې شي۔ د ايوان صدر پرېس ونګ له مخې دا خبره ده د زيارت په ورځ د صحت لندمهاله وزير ډاکټر نديم جان سره وكړه چا چې دوي سره ملاقات كولو۔ صدر مملکت د صحت وزير سره د قامي صحت په بېلا بېلو چارو د خيالاتو څرګندونه وكړه۔ صدر مملکت په دې موقع ووئيل چې برېسټ کېنسر، زياتېدونكې آبادي او نفسياتي صحت پلو خاص پام كولو ته اړتيا ده۔ صدر مملکت او د صحت وزير غذائيت، د كوچنيانو ذهني او جسماني كمزوري او د خاص كسانو بحالۍ لپاره په تجويزونو هم د خيالاتو څرګندونه وكړه۔ د صحت وزير د پوليو خاتمې لپاره د صدر مملکت لخوا د لارښودنې او خاص پام كولو ستائننه وكړه۔ صدر مملکت د صحت په څانګه كښې د ډاکټر نديم جان د مجموعي خدماتو ستائنه وكړه۔
