اسلام آباد 04 اګست (اے پي پي) حكومت د توان څانګه پائيدار جوړولو او په خاص توګه د ګاز په څانګه كښې ګردشي قرضې ختمولو لپاره تګلارې ته حتمي شكل وركړے دے۔ د دې خبرې پرېكړه د جمعې په ورځ د خزانې او محصولاتو وفاقي وزير سېنېټر محمد اسحاق ډار په مشرۍ كښې د توان په څانګه كښې د اصلاحاتو لپاره راجوړه كړې شوې غونډه كښې وشوه۔په غونډه كښې د پیټروليم وزير مملكت مصدق ملك٬د خزانې خاص مرستيال طارق باجوه٬د محصولاتو خاص مرستيال طارق محمود پاشا٬د پېټروليم سېكرټري او نور اعلٰی حكومتي افسرانو ګډون وكړو۔په غونډه كښې د توان په څانګه كښې د اصلاحاتو پشمول د ګاز په څانګه كښې د ګردشي قرضې خاتمې لپاره تګلارې ته د حتمي شكل وركولو جاج واخستې شو او دې ته حتمي شكل وركړے شو۔ د دې اقدام بنيادي مقصد د توان څانګه پائيدار جوړولو سره د معيشت اشاريې ښه جوړول دي
