منګلا 5 دسمبر(اے پی پی)وزيراعظم شهباز شريف د ګل په ورځ د منګلا بجلي ګهر يونټ 5 او 6 ريفربشمنټ پروژې پرانسته كړې۔د وزيراعظم آفس مېډيا ونګ لخوا جاري شوي بيان له مخې د منګلا بجلي ګهر ريفربشمنټ پروژې له مخې په ټولو يونټ كښې د 50 كاله پخوانۍ مشينري بدلولو سره نوې مشينرۍ لګولې كېږي۔د ريفربشمنټ پروژې بشپړيدو نه نه پس به د منګلا بجلي ګهر استعداد 1000 ميګاواټ څخه 1310 مېګاواټ ته ورسي چې په نتيجه كښې يې كلن 5.6 بلين يونټ پاك٬ماحول دوست او لږ لګښت برېښنا پېدا كړي۔د پروژې په وړومبي پړاؤ يعني په 10 كښې 6 يونټس ريفربشمنټ تقريبا 90 فيصد كار بشپړ شوې دې۔د ګل په ورځ وزيراعظم د يونټ نمبر 5 او 6 بشپړېدو پرانسته وكړه۔په مجموعي توګه د 483 ملين ډالر لګښت څخه جاري په دې پروژه كښې د يو اېس اېډ لخوا د 150 ملين ډالر ګرانټ٬ د 90 ملين يورو اے اېف ډي لون او واپډا لخوا 178 ملين ډالر وركولې كېږي۔په دې موقع خاص مرستيال طارق فاطمي٬د آزاد كشمير وزيراعظم سردار تنوير الياس٬د واپډا چيئرمېن لېفټيننټ جنرل(ر)سجاد غني٬د امريكې په پاكستان كښې سفير ډونلډ بلوم٬د يو اېس اېډ مشن ډائرېكټر ريډ ایسچلیمین (Reed Aeschliman) هم موجود وو۔
