اسلام آباد ۔01 جون (اے پی پی) د موسمياتو څانګې ترمخه د راروانو 4 ٬ 5 ورځو په مهال به د هېواد زياترې سيمې سختې ګرمۍ سره مخ پاتې كېږي او د پنجاب په نيم غرئيزو سيمو ٬ خیبرپختونخوا او کشمیر كښې درجه حرارت تر 40 ٬ دننه سندھ ٬ سوئيلي او وسطي پنجاب او ختيځ بلوچستان كښې تر 50 ډګری سېنټی ګرېډ زياتېدو امكان دے۔ د راپور ترمخه د جمعې په ورځ د سمندري هواګانو چلېدو له امله د كراچۍ درجه حرارت 35 څخه تر 37 ډګری سېنټی ګرېډ كم شوې۔ دراپور ترمخه د راروانو 24 ساعتونو په مهال به د هېواد په زياتره سيمو كښې موسم ګرم او وچ وي بياهم ګلګت بلتستان كښې په ځينو سيمو د باران امكان دے۔ د تېرو 24 ساعتونو په مهال د هېواد په زياتره سيمو كښې موسم ګرم او وچ پاتے شو۔ د سندھ په پورته سيمو٬ مكران او سبي ډويژن كښې موسم زيات ګرم وو بياهم په ګوپس كښې يو ملي ميټر باران ريكارډ كړې شو
