اسلام آباد 05 جولائي (اے پي پي) د وزيراعظم محمد شهباز شريف په مشرۍ كښې توان لپاره د كابينه كمېټۍ غونډه كښې د ريفائنري پاليسي 2023 په موده كښې د شپږ مياشتو پراختيا٬ د نجي څانګې كوچنۍ آبي منصوبو لپاره د سټينډرائزډ سکيورټي پيکيج ډاکومنټ، ګلګت بلتستان كښې د برېښنا د تعطل نه غېر وركولو لپاره كمېټي، د برېښنا د تقسيم كار كمپنو استعداد زياتولو٬ د برېښنا د غلا مخنيوي او د بلونو په وخت وصولۍ له ډسكوز سپورټ يونټ جوړولو او د زياتې مودې بلونو وصولۍ لپاره د ترغيبي پېکيج منظوري وركړې شوه ۔ د جعمې په ورځ د وزيراعظم آفس ميډيا ونګ لخوا جاري بيان له مخې د وزيراعظم محمد شهباز شريف په مشرۍ كښې توان لپاره د كابينه كمېټۍ غونډه شوې چې پكښې نائب وزيرِ اعظم او وزيرِ خارجه اسحاق ډار، وفاقي وزيرانو احد خان چيمه، محمد اورنګزيب، ډاکټر مصدق ملك، احسن اقبال، سردار اويس خان لغاري، دوهم وزير علي پرويز ملك، د وزيرِ اعظم کوآرډينيټر رانا احسان افضل، د نېپرا چيئرمېن وسيم مختار، د اوګرا چيئرمېن مسرور خان او اړوند چارواكو ګډون وكړو۔ وزيراعظم شهباز شريف په هېواد كښې د پيټروليم ريفائينريز څانګې پرمختګ او په دې كښې بهرنۍ سرمايه كاري زياتولو لپاره لوے اقدام پورته كړې دے۔ د وزيراعظم په مشرۍ كښې كميټۍ د موجوده ريفائنريز اپ ګريډيشن پحقله د ريفائنري پاليسي 2023 په موده كښې د شپږ مياشتو د پراختيا منظوري وركړه۔ كمېټۍ د پټروليم وزارت ته امر وكړٶ چې په هېواد كښې آئل ريفائنريز اعتماد كښې اخستو سره دې د هغوې له په ترجيحي بنيادونو اپ ګرېډېشن لپاره كوټلې تګلاره مرتب كړې شي۔ کمېټۍ ته د برېښنا په څانګه كښې د جولائي 2023 نه تر مئي كال 2024 د ګرځېنده قرضې تفصيلي رپورت هم وړاندې كړې شو٬ چې پكښې وئيلي شوي دي چې تر مئي 2024 د برېښنا په څانګه كښې د ګرځينده قرض حجم 2655 اربه روپۍ ٶ٬كابينه كمېټۍ غونډه كښې د ريفائنري پاليسي 2023 په موده كښې شپږ مياشتو د پراختيا٬ د نجي څانګې كوچنۍ آبي منصوبو لپاره د سټينډرائزډ سکيورټي پيکيج ډاکومنټ، ګلګت بلتستان كښې د برېښنا د تعطل نه غېر وركولو لپاره كمېټي، د برېښنا د تقسيم كار كمپنو استعداد زياتولو٬ د برېښنا د غلا مخنيوي او د بلونو په وخت وصولۍ له ډسكوز سپورټ يونټ جوړولو٬ د ډسکوز سپورټ يونټ موده كښې به د وفاقي كابينې د منظورۍ سره دوه كاله موده وي٬ ډسکوز سپورټ يونټ پېل به د ملتان اليکټرک پاور کمپني (ميپکو) څخه كېږي٬ کميټي د برېښنا د غېر ادا شوې زياتې مودې بلونو وصولولو لپاره د ترغيبي پيکيج هم منظوري وركړه ٬ د دې پيکيج له مخې د برېښنا د غېر ادا شوې زياتې مودې بلونو په وصولولو به د قانون نافذ كوونكو ادارو او ډسكوز اهلكارو له انعام وركولې شي
