اسلام آباد 05 جولائي (اے پي پي) وزيراعظم محمد شهباز شريف وئيلي دي چې د اربونو د ټېكس غلا مخنيوي لپاره د ټېكس په نظام كښې ډيجيټائزيشن ته حکومت خاص پام لرنه كوي٬ د ټېكس په غلا كښې د ككړ كسانو سره سره به په جرم كښې مرسته كوٶنكو چارواكو او اهلكارو له هم سزا وركولې شي، د اولس په پېسه ډاكه اچوٶنكي به بخښلې نشي٬ د ټيکس د غلا اندازه او د هغې د مخنيوي كوټلې رپورټ دې وړاندې كړې شي۔ د جمعې په ورځ د وزيراعظم آفس ميډيا ونګ لخوا د جاري بيان له مخې د دې خيالاتو څرګندونه ده د اېف بي آر اصلاحاتو په اړه د جاج اخستلو د لوړې كچې غونډې مشرۍ كولو په مهال كړې۔ په غونډه كښې وفاقي وزيرانو محمد اورنګزيب، احد خان چيمه، دوهم وزير علي پرويز ملك، د وزيراعظم کوآرډينيټر رانا احسان افضل، د اېف بي آر چيئرمېن، د پاکستان بزنس کونسل سي اي او احسان ملك، د کارانداز سي اي او وقاص الحسن او اړوند چارواكو سره سره ډاکټر شمشاد اختر، نويد اندرابي، آصف پير او علي ملک د وېډيو لنك د لارې ګډون كړې ۔ په غونډه كښې وزيراعظم ته د اېف بي آر د روان ډيجيټائزيشن عمل او اصلاحاتو په اړه بريفنګ وركړې شو۔ وزيراعظم ووئيل ھغه كسان (نان فائلرز) چې ټېكس وركولو استعداد لري او ګوشوارے نه جمع كوي دې په سمدستي توګه په ټېكس نېټ كښې شامل كړې شي، د کسټمز اپريزرز صوابديدي اختيار دې په سمدستي توګه ختم كړې شي، د اېف بي آر چيئرمېن دې په راتلونكې 24 ساعتونو كښې د دې هداياتو نفاذ باوري كولو سره رپورټ وړاندې كړي۔ ده ووئيل د ټېكس په غلا كښې د ككړ كسانو سره سره به په جرم كښې مرسته كوٶنكو چارواكو او اهلكارو له هم سزا وركولې شي، د اولس په پېسه ډاكه اچوٶنكي به بخښلې نشي٬ د ټيکس د غلا اندازه او د هغې د مخنيوي كوټلې رپورټ دې وړاندې كړې شي۔ ده ووئيل داسې ټېكس وركوٶنكي چې په وخت خپلې ذمه وارۍ ترسره كوي د هغوې دې ډاډګيرنه وكړې شي ٬ په بندرځايونو دې د نړيوال معيار جديد سكېنرز ولګولې شي دې سره به په نظام كښې سپېځلېتا راشي او كرپشن به ختم شي۔ ده ووئيل د ټېكس غلا اندازه او د هغې د مخنيوي په اړه دې يو كوټلې رپورټ وړاندې كړې شي٬ د ټېكس په نظام كښې ډيجيټائزيشن ته حکومت خاص پام لرنه كوي،د ټيکس نظام ډيجيټلائزيشن او د اصلاحاتو د نفاذ د پيش رفت نګرانۍ لپاره دې په سمدستي توګه يو ډېش بورډ جوړ كړې شي، د ټيکس پحقله په نړيواله كچه رائج ښه نظام به په پاكستان كښې نافذولې شي، د ټيکس پاليسۍ جوړولو لپاره په وظيفائي توګه ښه شهرت لرونكي افسران او پوهان دې تعينات كړې شي٬غونډې ته ووئيل شول چې د اېف بي آر ډيجيټائزيشن نفاذ په مهال 45 لکه داسې كسان په ګوته كړې شوې دي كوم چې د ټېكس وركولو استعداد لري خو په ټېكس نېټ كښې شامل نه دي، د حکومتي اقداماتو په نتيجه كښې د تېرو دريو اوونيو په مهال 3 لكه څخه زيات نوې ټېكس وركوٶنكو خپلې ګوشوارے جمع كړې دي په تېرو دوه اوونيو كښې انډر انوائسنګ او جعلي سيلز ټيکس ريفنډز كوٶنكي 4 زره كمپنۍ رامخې ته كړې شوي او د دوي د ريفنډز نيولې شوې دې۔ غونډې ته ووئيل شول چې په اېف بي آر كښې اصلاحات او د ډيجيټلائزيشن پحقله د وزير اعظم په هداياتو په تندۍ سره عمل كېږي٬ د اېف بي آر موجوده نظام او د افرادي قوت پحقله جاج خپل حتمي پړاٶ كښې دې۔ وزيراعظم د اېف بي آر ډيجيټلائزيشن او د اصلاحاتو پحقله ټاكلے شوي هدفونو سره د كوټلې تګلارې په راتلونكې غونډه كښې طلب كړې
