اسلام آباد – 21 – آڪٽوبر (اي پي پي) وزيراعظم محمد شهباز شريف چيو آهي ته اليڪشن ڪميشن توشا خانا ۾ انصاف ڪيو، صداقت ۽ امانت جو بُت پاش پاش ٿي ويو، قوم ڏسي ورتو ته ڪرپٽ پريڪٽس ڪري وزيراعظم جي عهدي کي ذاتي آمدني جو ذريعو بڻايو ويو. توشا خانا ريفرنس تي اليڪشن ڪميشن جي فيصلي تي پنهنجي ٽوئيٽ ۾ وزيراعظم چيو ته قانون سان وڙهڻ، گوليون ڏنڊا هلائڻ ۽ فسادي جٿا آڻڻ بدران قانون آڏو ڪنڌ جهڪائين، ڪير به قانون کان مٿانهون نه آهي.
