اسلام آباد – 13 – آڪٽوبر (اي پي پي) پرڏيهي وزير بلاول ڀٽو زرداري سان سوئٽزرلينڊ جي نئين سفير گيورگ اسٽائز هتي ملاقات ڪئي. پرڏيهي آفيس پاران جاري بيان موجب پرڏيهي وزير گيورگ اسٽائز جي سوئتزرلينڊ جي پاڪستان ۾ نئين سفير جي حيثيت سان مقرري تي کيس ڀليڪار چيو. بلاول ڀٽو زرداري سوئٽزرلينڊ پاران پاڪستان ۾ ٻوڏ کان متاثر ماڻهن جي لاءِ امداد تي ٿورا پڻ مڃيا. پرڏيهي وزير بلاول ڀٽو زرداري اميد ظاهر ڪئي ته سفير گيورگ اسٽائز پاڪ سوئس واپاري، ثقافتي ۽ سياحتي لاڳاپن کي وڌيڪ مضبوط بڻائڻ ۾ اهم ڪردار ادا ڪندو.
