اسلام آباد – 09 – مارچ (اي پي پي) اطلاعات ۽ نشريات واري مملڪتي وزير فرخ حبيب چيو آهي ته 3 سياسي يتيم اقتدار جو خواب ڏسڻ ڇڏي پنهنجي آخري آرام گاهه اڊيالا سينٽرل جيل وڃڻ جي تياري ڪن، جنهن جنهن جيتري ڪرپشن، ڦرلٽ ۽ مني لانڊرنگ ڪئي ۽ جعلي اڪائونٽس ٺاهيا انهن کي هڪ هڪ پائي جو حساب ڏيڻو پوندو. پنهنجي ٽوئيٽ ۾ مملڪتي وزير فرخ حبيب چيو ته مخالف ڌر اين آر او وساري ڇڏي، وزيراعظم عمران خان جي ڊڪشنري ۾ اهو لفظ ئي نه آهي.
