اسلام آباد – 06 – ڊسمبر (اي پي پي) وزيراعظم محمد شهباز شريف پاڪستان مسلم ليگ (ن) عورت شعبي جي اڳوڻي صدر ۽ سينيئر پارليامينٽرين نجمه حميد جي لاڏاڻي تي تعزيت جي لاءِ سندس گهر ويو ۽ پونئيرن سان تعزيت جو اظهار ڪيو. وزيراعظم آفيس جي ميڊيا ونگ پاران جاري بيان موجب وزيراعظم مرحومه جي پٽن، ڀيڻ طاهره اورنگزيب ۽ ڀاڻيجي اطلاعات ۽ نشريات واري وفاقي وزير مريم اورنگزيب سان تعزيت ڪئي. وزيراعظم مرحومه جي درجن جي بلندي لاءِ دعا ڪئي. وزيراعظم ملڪ، جمهوريت ۽ پارٽي جي لاءِ مرحومه نجمه حميد جي خدمتن تي ان جي لاءِ خراج عقيدت پيش ڪيو. ان موقعي تي وزيراعظم چيو ته مرحومه پارٽي جو هڪ قيمتي اثاثو هو.
