اسلام آباد – 15 نومبر (اي پي پي) وزيراعظم عمران خان چيو آهي ته نجڪاري عمل جي جلد کان جلد پڄاڻي سان حڪومتي مالي وسيلن خاص طور تي نان ٽيڪس روينيو ۾ اضافو ٿيندو، قومي ناڻي کي نقصان کان بچائڻ سان گڏوگڏ ادارن جي ڪارڪردگي کي انهن جي صلاحيت موجب هلائڻ، ادارن مان بهترين نتيجا حاصل ڪرڻ ۽ مجموعي طور تي معيشت جي بهتري نجڪاري واري عمل جو اصل روح آهي. اهڙن خيالن جو اظهار هن نجڪاري عمل ۾ اڳڀرائي جي جائزه اجلاس جي صدارت ڪندي ڪيو.
